ABC狗咬豬，阿公仔坐飛機，
跋一下冷支支。
叫醫生，來甲伊醫，醫一下跤骨大小支，
醫一下跤骨大小支。

一的抄米香，二的抄韭菜，三的強強滾，四的抄米粉。
五的五將軍，六的六子孫，七的蚵仔飼麵線，
八的講伊卜分一半，九的九嬸婆，十的撞大鑼。
打你千打你萬，打你一千零五萬，羞羞羞袂見笑，
猜輸唔甘願，玩輸起蝦龜，唔甘願起蝦龜，
我卜來去投老師，投老師。

一年仔倥倥，二年仔孫悟空，三年仔吐劍光，
四年仔愛膨風，五年仔上帝公，六年仔閻羅王，閻羅王。

大箍呆哎喲白目眉，無人請你就家己來。
來來大箍呆炒韭菜，燒燒一碗來，冷冷阮無愛。
大箍呆炒韭菜，燒燒一碗來，冷冷阮無愛。
大箍呆，到今你才知，到今你才知。

火金姑來食茶，茶燒燒，食根蕉。
根蕉冷冷，食龍眼。
龍眼愛撥殼，換來食藍菝仔，藍菝仔全全籽，
害阮食一下落喙齒，害阮食一下落喙齒。

打馬膠，粘著跤，叫阿爸，買豬跤，
豬跤箍仔，滾爛爛，飫鬼囡仔流喙涎。

白鷺鷥車糞箕，車到溪仔墘，跋一倒，抾著二先錢。
一先儉起來好過年，一先買餅送大姨。

秀才秀才騎馬弄弄來，
佇馬頂跋落來，跋一下真厲害。
喙齒疼，糊下頷。
目睭疼，糊目眉。
腹肚疼，糊肚臍。
嘿真厲害。

西北雨直直落，鯽仔魚卜娶某。
鮕鮐兄拍鑼鼓，媒人婆仔土虱嫂，
日頭暗揣無路，趕緊來火金姑，
做好心來照路，西北雨直直落。
西北雨直直落，白鷺鷥來趕路。
搬山嶺過溪河，找無岫跋一倒，
日頭暗卜怎好，土地婆做好心來帶路，
西北雨直直落。

一放雞，二放鴨，三分開，四做堆，五搭胸，
六拍手、七圍牆，八摸鼻，九揪耳，十抾起。

羞羞，羞羞羞，提藍仔撿雨鰡。
羞羞，羞羞羞，提藍仔撿雨鰡。
攏總撿幾尾，哎喲，攏總撿兩尾啦，攏總撿兩尾。
一尾煮來吃啊嘖嘖，一尾糊目睭啍啍，羞羞，羞羞羞。

龍眼干，三兩半，你點燈，我來看。
龍眼干，三兩半，你點燈，我來看。
看啥乜，看新娘，新娘美咚咚，嫁好尪。

搖仔搖，搖仔搖。
搖囝也在叫。
搖你大漢，我有所望。
搖囝賢大漢，搖囝賢大漢。

搖啊搖，(io5)
豬跤雙爿撩，(lio5)
大麵雙碗燒，(sio)
肉丸炒胡椒，(chio)
蒜仔炒魚鰾，(pio7)
卜睏著放尿，(jio7)
出門著坐轎。(kio)

樹頂一隻猴，(kau5)
樹下一隻狗。(kau2)
猴跋落來，磅著狗。(kau2)
猴亦走，狗亦走。(chau2)
唔知猴驚狗，(kau2)
抑是狗驚猴。(kau5)

點仔點仔點水缸，啥乜人仔放屁爛跤尻。
點仔點仔點茶甌，啥乜人仔今晚卜來阮兜。
點仔點仔點茶壺，啥乜人仔今晚卜娶某。
點仔點仔點叮噹，啥乜人仔今晚卜嫁尪。
點仔點仔點水缸，啥乜人仔放屁爛跤尻。
點仔點仔點書包，啥乜人仔今晚卜來阮兜。
點仔點仔點鉛筆，你若是歹囝仔才做白賊也。
點仔點仔點紛紛，你是英雄好漢去做軍。

掩咯雞，走白蛋，隨你食，
哎喲隨你纘(nng)，
咯雞仔囝，哎喲覓密密。
老鼠仔囝偷做賊，一支刀咧一支劍，
卜走唔走，唔通哮，唔通哮。

普渡來，卜做戲，(hi3)
吩咐三，吩咐四，(si3)
吩咐親家親姆，十五來看戲。(hi3)
對竹跤，厚竹刺，(chi3)
對溪邊，驚跋死，(si0)
對大路，嫌費氣，(khi3)
無，著攏勿去。(khi3)

秀才秀才騎馬弄弄來，
佇馬頂跋落來，跋一下真厲害。
喙齒疼，糊下頷。
目睭疼，糊目眉。
腹肚疼，糊肚臍。
嘿真厲害。

ABC狗咬豬，阿公仔坐飛機，
跋一下冷支支。
叫醫生，來甲伊醫，醫一下跤骨大小支，
醫一下跤骨大小支。

一的抄米香，二的抄韭菜，

三的強強滾，四的抄米粉。
五的五將軍，六的六子孫，

七的蚵仔飼麵線，八的講伊卜分一半，九的九嬸婆，十的撞大鑼。
打你千打你萬，打你一千零五萬，

羞羞羞袂見笑，猜輸唔甘願，

玩輸起蝦龜，唔甘願起蝦龜，
我卜來去投老師，投老師。

一年仔倥倥，二年仔孫悟空，三年仔吐劍光，
四年仔愛膨風，五年仔上帝公，

六年仔閻羅王，閻羅王。

大頭旺仔伊都一粒珠，相打唔認輸。
夯竹篙托金龜，金龜一下飛。
哎喲大頭旺放風吹，風吹斷了線。
大頭旺仔傢伙，哎喲去一半。

一歲兩歲手裡抱，(pho7)
三歲四歲塗跤脞。(so5)
五歲六歲漸漸大，(tua7)
有時頭燒佮耳熱。(juah8)
七歲八歲真爻吵，(chha2)
一日顧伊兩支跤。(kha)
九歲十歲教針黹，(chi2)
驚伊四界去經絲。(si)
十一十二著拍罵，(ma7)
此去著那學做衫。(saN)
十三十四學煮菜，(chhai3)
一塊桌面辦會來。(lai5)
十五十六卜轉大，(tua7)
驚伊綴人去風花。(hua)
十七十八做親情，(chiaN5)
一半歡喜一半驚。(kiaN)

一鼠，賊仔名，(mia5)
二牛，駛犁兄，(hiaN)
三虎，爬山崎，(kia7)
四兔，遊東京，(kiaN)
五龍，皇帝命，(mia7)
六蛇，互人驚，(kiaN)
七馬，跑兵營，(iaN5)
八羊，食草嶺，(nia)
九猴，爬樹頭，(thau5)
十雞，啼三聲，(siaN)
十一狗，吠契兄，(hiaN)
十二豬，菜刀命。(mia7)

人插花，人插花，伊插草。
人抱嬰，人抱嬰，伊抱狗。
人未嫁，人未嫁，伊先走。
人坐轎，人坐轎，伊坐畚斗。
人睏紅眠床，伊睏屎礐口。
人睏紅眠床，伊睏屎礐口。

大箍呆哎喲白目眉，無人請你就家己來。
來來大箍呆炒韭菜，燒燒一碗來，冷冷阮無愛。
大箍呆炒韭菜，燒燒一碗來，冷冷阮無愛。
大箍呆，到今你才知，到今你才知。

正月正(chiaN)，聽見跋繳聲(siaN)。
二月二(ji7)，老土地(ti7)。
三月三(saN)，桃仔李仔雙頭擔(taN)。
四月四(si3)，桃仔來，李仔去(khi3)。
五月五(goo7)，西瓜排甲滿街路(loo7)。
六月六(lak8)，頭家落田拍碌碡(lak8-tak8)。
七月七(chhit4)，龍眼烏，石榴必(pit4)。
八月八(peh4)，牽豆藤，挽豆莢(ngeh4)。
九月九(kau2)，風吹滿天吼(hau2)。
十月十，人收冬(tang)，頭家倩長工(kang)。
十一月，年兜邊(piN)，家家戶戶人搓圓(iN5)。
十二月，換新衫，來過年(niN5)

火金姑來食茶，茶燒燒，食根蕉。
根蕉冷冷，食龍眼。
龍眼愛撥殼，換來食藍菝仔，

藍菝仔全全籽，
害阮食一下落喙齒，

害阮食一下落喙齒。

火車卜行東港橋，愈行愈走愈咧叫，
一聲短來，一聲長，真賢搖。
搖一下來，搖一下去，嗶噗趒(tio5)。
火車卜行西螺橋，愈行愈走愈愛搖，
鶯歌若過是板橋，真賢搖。
搖一下來，搖一下去，嗶噗趒(tio5)。

天烏烏，卜落雨，阿公仔夯鋤頭仔卜掘芋。
掘啊掘，掘啊掘，掘著一尾辿鰡鼓，
咿呀嘿都真正趣味。

天烏烏，卜落雨，阿公仔夯鋤頭仔卜掘芋。
掘啊掘，掘啊掘，掘著一尾辿鰡鼓，
咿呀嘿都真正趣味。
阿公仔卜煮鹹，阿媽仔卜煮汫。
二個相拍弄破鼎，咿呀嘿都啷噹叱噹嗆，哇哈哈。

阿公仔卜煮鹹，阿媽仔卜煮汫。
二個相拍弄破鼎，咿呀嘿都啷噹叱噹嗆，哇哈哈。
弄破鼎，弄破鼎，弄破鼎，咿呀嘿都啷噹叱噹嗆，
哇哈哈，哇哈哈，哇哈哈，哇哈哈。

打馬膠，粘著跤，叫阿爸，買豬跤，
豬跤箍仔，滾爛爛，飫鬼囡仔流喙涎。

西北雨直直落，鯽仔魚卜娶某。
鮕鮐兄拍鑼鼓，媒人婆仔土虱嫂，
日頭暗揣無路，趕緊來火金姑，
做好心來照路，西北雨直直落。
西北雨直直落，白鷺鷥來趕路。
搬山嶺過溪河，找無岫跋一倒，
日頭暗卜怎好，土地婆做好心來帶路，
西北雨直直落。

喂、喂、喂，(ue2)
台灣出甜粿。(kue2)
甜粿真好食，(chiah8)
台灣出木屐。(kiah8)
木屐真好穿，(chhing7)
台灣出鵁鴒。(ling7)
鵁鴒會講話，(ue7)
台灣出棉被。(phue7)
棉被甲會燒，(sio)
台灣出芎蕉。(chio)
芎蕉真大枇，(pi5)
台灣出蕃薯。(chi5)
蕃薯會止飢，(ki)
台灣出飛機。(ki)
台灣真爻飛，(pue)
台灣出鼓吹。(chhue)
鼓吹真爻陳，(tan5)
台灣出炸彈。(tan5)
炸彈真厲害，(hai7)
歹人唔敢來。(lai5)

白鷺鷥車糞箕，車到溪仔墘，

跋一倒，抾著二先錢。
一先儉起來好過年，一先買餅送大姨。

一放雞，二放鴨，三分開，

四做堆，五搭胸，
六拍手、七圍牆，八摸鼻，

九揪耳，十抾起。

金龜金龜頭趄趄(lu-lu)，
匿佇樹頂咧啄居。
金龜金龜，細粒頭，圓身軀。

林投戴斗，木虱家蚤。
家蚤無匿，老公仔保庇，翁仔頭，噈噈。

一天過了又一天，(thian)
身軀無洗全全鉎，(sian)
走去溪仔洗三遍，(pian3)
毒死烏魚數萬千。(chian)

羞羞，羞羞羞，提藍仔撿雨鰡。
羞羞，羞羞羞，提藍仔撿雨鰡。
攏總撿幾尾，哎喲，攏總撿兩尾啦，

攏總撿兩尾。
一尾煮來吃啊嘖嘖，一尾糊目睭啍啍，羞羞，羞羞羞。

搖仔搖仔搖荖搖，搖到內山去挽茄，

挽若多？
挽到一飯蘺，也好食，也好賣，

也好互嬰仔做度睟。

搖仔搖，搖仔搖。
搖囝也在叫。
搖你大漢，我有所望。
搖囝賢大漢，搖囝賢大漢。

龍眼干，三兩半，你點燈，我來看。
龍眼干，三兩半，你點燈，我來看。
看啥乜，看新娘，新娘美咚咚，嫁好尪。

台灣的地名是真趣味，台灣的地名是真趣味。
開張大吉臆佗位？開張大吉臆新店。
四季如春臆佗位？四季如春臆恆春。
雨後春筍臆佗位？雨後春筍臆新竹。